موضوع: درس تحويل الصور الى جليترات الإثنين ديسمبر 19, 2011 9:07 am
طبعا بامانه هالدرس تعلمته من موقع اجنبي ..
وهذا الرابط الي حابب يشوف الدرس طبعا بس تفتحون الرابط .. الدرس مشروح كتابة وفي بعض التطبقات بالصور لكن الشرح مفهوم .. واكيد انا حطيت شويه بهارات من عندي !!!
وطبعا سويت بحث عن هالدرس عشان اعرف بالضبط شلون اسوي .. ومن عده مواقع اجنبية قدرت افهم ...
واتمنى يعجبكم
لكن وايد جاتني رسالات خاصة عن كيفيه عمل هالشي ... والحقيقة احب ان الكل يتعلم ... ويستفيد من الي استفدت منه .. والمعذره ... بيكون الشرح بالتفصيل الممل <<< بس يا رب ما تتمللون وتنزطوووني
طبعا الاشكال الي راح نسويها سويتها قبل واضفتها في مجلس الترحيب في موضوع اختنا مرسى الاشواق ...
وأكيد قبل ما ابدا في شرح الدرس
الخاص بالجلتير .. هذا رابط خاص حق الجليترات .. الي استخدمها واتمنى تفيدكم
صور ممكن تستفيدون منها في الدرس .. وطبعا الي محتاج صور مثل هذه ما عليه الا انه يراسلني عن طريق الرسائل الخاصة وفاله طيب ان شاء الله عشان اعطي الروابط الخاصة حق الصور <<< لان الروابط فيها صور حريم
:+:+:+:+:
الدرس ... والشرح بالتفصيل ويا ويلكم لو ذبحتوني
اولا :
أول شي نبي نحول الصور هذه حق فرش .. عشان الشغل يكون صح
عن طريق :
File Open واختاروا الصوره المراد عمل الشكل عليها ..
على سبيل المثال انا اخترت هذه :
عشان يكون شغلنا صح شفته القفل الموجود على الصوره ما دام موجود ما نقدر نسوي اي شي فيه ...
لازم نشيل القفل عن طريق
Image Mode RGE
كما في الشكل :
مجرد ما سوينا هذا الشكل تتطلع لنا صفحة الــ LAYER بهذه الصوره = يعني نقدر نتحكم في الصوره الحين !
طبعا سواء استخدما صوره او عبارة رمضان نفس الشغل بيكون ..
ثانيا : تحويل الصوره الى فرشاه
كما موضح بالصوره :
بيطلع لنا صفحة ثانيه عباره عن مسمى الصوره الي صارت فرشاه .. حطوا اي اسم او اي رقم المهم تحفظونها ...
كما في الشكل :
وبس تكتبون اي شي تسون OK
وبكذا بتكون الصوره تخزنت عندنا على شكل فرشاه
وعشان نتأكد نروح على :
هذه الايقونه بتلقونها في خانه الــ TOOL
اضغطوا على السهم الي في الشكل الموضح وبتشوفون ان الصوره تحولت الى فرشاه ..
وهالكلام نفسه اذا طبقتوا على عباره رمضانيه
ثالثا :
التصميم
نفتح صفحة جديده باي مقاس نبي ... كما في الشكل :
والحين نروح على خانة الفرشاه ونضغط على الايقونه الفرشاه ونختار الصوره ( الفرشاه )
وتحطونها في الصفحة الجديده كما موضح بالشكل :
وبنسوي من هاللير 3 ليرات عن طريق الضغط على اللير وبالفاره اليمين تكررون الشرائح
بيكون الشكل كما هو موضح لكم كالتالي :
رابعا :
ادراج الجليتر على الفرشاه
سواء كان صوره او عباره نفس الخطوات
الحين راح نمسك شريحة شريحة ونسوي لها ادراج الجليتر عليها ...
~ الشريحة رقم 1 ~
بتفتح ويانا صفحة الــ FILL
نختار الجليتر رقم 1 كما في الشكل :
واول ما نسوي الــ OK
بيكون الشكل كالتالي :
لا تخافون عاادي
الحين الي نسوي كالتالي :
هذه العملية نسويها عشان ندرج الجليتر في الفرشاه وتكون الفرشاه ماخذه لون الجليتر الي تم اختياره ...
ثم نسوي هذا الشي عشان نكون شريحة وحده فقط يعني ندمج الشريحتان معا بواسطة :
لازم نضع هذه العلامة على الشريحة رقم 3 الاصل ومجرد ما نضغط على المربع بتتطلع لنا هذه الايقونه
ثم نقوم بدمجها مع الشريحة الـ النسخ بهذا الشكل :
لتكون الشريحة واحده فقط كما في الشكل :
طبعا عندنا 3 شرائح يعني المفروض الشغل نفسه تكررونه بس مع مراعاه ان كل شريحة لها جليتر خاص فيها
كتوضيح فقط لكن انتم الي راح تسوون نفس الشي
الشريحة رقم 2 بالجليتر رقم 2 كما في الشكل :
الشريحة رقم 3 بالجلتير رقم 3 كما في الشكل :
بعد ما سوينا كل الخطوات على الــ 3 شرائح الموجوده بتكون النتيجة كما في الشكل الموضح :
طبعا لحد اهني خلصنا الشغل على الفوتوشوب .. بس قبل للنتقل الى برنامج الايمج ريدي لازم نصغر حجم الصوره لان من البداية اخترنا الصفحة اليديده بحجم 400x400
خامسا :
طريقة تصغير الصوره عن طريق الشكل التالي :
~ ننتقل الحين على الايمج ريدي ~
وهذه صفحة الاساسية للايمج ريدي طبعا وايد كبيرة فاضغوا على الصوره عشان تشوفونها عدل
اول ما راح أنفذ الامر راح يندرج في صفحة الانميشين 3 شرائح
وبكذا كل الي علينا انسوي هو
عملية الحفظ بواسطة التالي :
وان بغيتوا تشوفون الشغل ما عليكم الا تسون على الــ
PLAY
:+:+:+:+:+:
اذا بغينا نسوي عباره خاصة فينا او فرشاه خاصة فينا ...
نفس الخطوات السابقة
لكن راح اقولكم بالضبط شو الاختلاف !!
- نفتح صفحة يديده ونكتب اي عباره نبيها اي عباره .. على سبيل المثال :
- ثم نقوم بتحويل هذه العباره الى فرشاه كما موضح بالصوره ..
نفتح صفحة يديده باي مقاس نبي
وندرج هالفرشاه في الصفحة اليديده
ونسوي نفس خطوات الصوره .
الفرق الوحيد
في هالدرس ..
أن لو بغينا انضيف صوره مع عباره
الصوره = بلون
والعباره = بلون غير
يعني نمسك اول شي الصوره
نسوي كل العمليات الي شرحناها مسبقا ... ثم نقوم بعمل التالي :
الشريحة رقم 4 = هي الشريحة الجديده
الحين نختار اي فرشاه نبيها صوره تم حفظها على هيئية فرشاه نقوم بوضعها في هذه الشريحة الجديده
طبعا ليش شريحة جديده عشان نقدر نتحكم في تصغيرها او تكبيرها فنخليها في صفحة غير ...
ونكر نفس العملية الي قلناها في الصوره ... ونختار لون غير يعني نتفنن في التصميم الخاص فينا
وطبعا بعد ما نسوي كل شي كل شي تم شرحة بالتفصيل .. بيكون الشكل النهائي هو :
لكن ما نقدر ننتقل على برنامج الايمج ريدي وفي شرائح اللير عندنا 4 شرائح
فالفرق الثاني في هالدرس والاختلاف ان راح نسوي عمليه دمج
يعني ...
صوره 1+ كتابة1 = CONTROL+ E
صوره 2+ كتابة2 = CONTROL+ E
مع مراعاه ان تكون الصوره اهيا الشريحة الي عليها الموس ...
عشان تكون النتيجة فقط 2 شريحتان
طبعا شريحتان لان اصلا الجليتر عندي عدد الشرائح الاصليه في 2
ثم ننتقل الى برنامج الايمج ريدي ونفس الخطوات السابقة ونسوي pLAY